ដើម្បីឲ្យមានទំនាក់ទំនងផ្លូវភេទល្អជាមួយដៃគូ អ្នកគួរតែមើលស្ថានភាពនិងកំណត់ពេលវេលាណាមួយសម្រាប់និយាយឬពិភាក្សាគ្នា។ រឿងណាដែលអ្នកនិងដៃគូចង់ឬមិនចង់បាន។ លើកទឹកចិត្តឲ្យនិយាយគ្នាអំពីការចង់បានឬបញ្ចេញយោបល់ ជៀសវៀងការស្តីបន្ទោស ឬត្អូញត្អែរពីបញ្ហាដែលកំពុងជួប។ បើកចិត្តនិយាយពីការដែលចង់បានជាមួយគ្នា និងរកដំណោះស្រាយរួម កុំបង្ខំដៃគូធ្វើអ្វីដែលគាត់មិនចង់ធ្វើ។ ទុកពេលឲ្យគាត់ក្នុងការធ្វើ និងសម្របទៅតាមការចង់បាន ឬការផ្លាស់ប្ដូថ្មីរបស់អ្នកទាំងពីរ។

ការបញ្ចេញទឹកកាមមុនពេលដល់ចំណុចកំពូលមិនមែនសុទ្ធតែមានមេជីវិតឈ្មោលទេ វាពិបាកក្នុងការនិយាយប៉ុន្តែភាគរយក្នុងការមានផ្ទៃពោះមិនមែនថាអត់នោះទេ។ ប្រសិនបើអ្នកភ័យខ្លាចថាមានផ្ទៃពោះដោយមិនបានការពារ អ្នកអាចប្រើមធ្យោបាយពន្យារកំណើតបន្ទាន់បាន។

ការបញ្ចេញទឹកកាមតិចឬខ្សោយអាចបណ្ដាលមកពីកត្តាជាច្រើនដូចជា ភាពចាស់ ស្រ្តេស កម្រិតអរម៉ូនក្នុងខ្លួនទាប លក្ខខណ្ឌលូតលាស់ និងការប្រើប្រាស់ថ្នាំ ព្យាបាលជំងឺផ្សេងៗ និងការផ្លាស់ប្ដូររបៀបរស់នៅដើម។ វាអាចមានការពិបាកក្នុងការនិយាយអំពីបញ្ហាផ្លូវភេទជាមួយវេជ្ជបណ្ឌិតដែលមានជំនាញ ប៉ុន្តែពួកគាត់អាចជួយដោះស្រាយនិងព្យាបាលដើម្បីពង្រឹងការបញ្ចេញទឹកកាមរបស់អ្នកឲ្យប្រសើរឡើងវិញបាន។ អ្នកអាចទៅជួបវេជ្ជបណ្ឌិតជំនាញប្រសិនបើអ្នក៖

• មានការបញ្វេញទឹកកាមតិចឬខ្សោយជាងមុន
• ប្រដាប់ភេទឡើងរឹងមិនបានយូរ
• មានការឈឺចាប់ក្នុងអំឡុងឬក្រោយពេលរួមភេទ
• មានឈាមក្នុងទឹកកាម
• ទឹកនោមមានសភាពប្លែកក្រោយពេលអ្នកសម្រេចដល់ចំនុចកំពូលរួច

ការសម្រេចកាមដោយខ្លួនឯងមិនមែនជារឿងអាក្រក់នោះទេ!ការសម្រេចកាមដោយខ្លួនឯងមិនមែនជារឿងអាម៉ាសទេតែវា ជារឿងធម្មតា និងជារឿងធម្មជាតិរបស់មនុស្សប្រុស ស្រីទាំងអស់គ្នាដែលវាជួយយើងឲ្យដឹងពីអ្វីដែលខ្លួនប្រាណយើងចូលចិត្ត និងមិនចូលចិត្ត។

ចំនុចខ្លះៗដែលធ្វើឲ្យទ្វារមាសរបស់ខ្ញុំមានសុខភាពល្អ ទំនួលខុសត្រូវលើរឿងផ្លូវភេទ បូកផ្សំនឹងការប្រើប្រាស់ស្រោមអនាម័យ មានដៃគូ១ទល់និង១ និងការសម្អាតឩបករណ៍កម្សាន្តផ្លូវភេទជាប្រចាំ។ ពិនិត្យនិងពិភាក្សា អំពីចម្ងល់ជាមួយវេជ្ជបណ្ឌិតដែលមានជំនាញគឺសំខាន់ណាស់ដែលវាអាចជួយឲ្យយើងគេចផុតពីបញ្ហាធ្ងន់ធ្ងរដែលអាចកើតមានបាន។

សុខភាពផ្លូវភេទសំដៅទៅលើស្ថានភាពរាងកាយ អារម្មណ៍ ផ្លូវចិត្ត និងសុខមាលភាពសង្គមទាក់ទងនឹងការរួមភេទ។ សុខភាពផ្លូវភេទមានសារៈសំខាន់ដោយសារវារួមចំណែកដល់សុខុមាលភាពទូទៅ ការគោរពខ្លួនឯង និងទំនាក់ទំនងរបស់ដៃគូគ្រប់រូប។

អ្នកអាចរក្សាសុខភាពផ្លូវភេទរបស់អ្នកបានល្អគឺមានកត្តាច្រើនយ៉ាងរួមផ្សំគ្នា។​កត្តាទាំងនោះរួមមានទំនួលខុសត្រូវក្នុងការរួមភេទ និងរួមភេទដោយមានការព្រមព្រៀងគ្នា។ ការទៅពិនិត្យសុខភាពផ្លូវភេទ និងការនិយាយគ្នាដោយបើកជំហរ ក៏ជាកត្តាដែលជម្រុញឲ្យសុខភាពផ្លូវភេទអ្នកកាន់តែប្រសើរជាងមុន។ លើសពីនេះទៅទៀត​អ្នកត្រូវប្រើប្រាស់ស្រោមអនាម័យរាល់ពេលរួមភេទដើម្បៅជៀសវាងការឆ្លងជំងឺកាមរោគ ឬការមានផ្ទៃពោះដោយចៃដន្យ។ ទៅរកពេទ្យេជំនាញជាបន្ទាន់ប្រសិនបើអ្នកមានការសង្ស័យអ្វីមួយ។

ត្រូវហើយ ស្រ្តេសធ្វើឲ្យប៉ះពាល់ដល់ចំណង់មេត្រីភាព។​ វាអាចជ្វើឲ្យប៉ះពាល់ដល់អារម្មណ៍របស់ដៃគូ បាត់បង់ចំណង់ និងការបំពេញចិត្ដឲ្យគ្នា។ គួររៀបចំខ្លួនឲ្យរួចរាល់មុនពេលប្រតិបត្តិការ ដើម្បីឲ្យទៅដល់ឋានសួគ៌ទាំងអស់គ្នា។ ប្រសិនបើអ្នកកំពុងជួបបញ្ហាតានតឹងផ្លូវចិត្តអ្នកត្រូវតែស្វែងរកជំនួយជាបន្ទាន់កុំទុកយូរព្រោះវាអាចធ្វើឲ្យប៉ះពាល់ដល់បញ្ហាគូរបស់អ្នក។

ប្រសិនបើអ្នកចង់បង្កើនការរួមដំណេកជាមួយដៃគូឲ្យកាន់តែមានប្រសិទ្ធភាពនិងមានសេចក្ដីសុខទាំងអស់គ្នា​អ្នកគួរបើកចិត្តពិភាក្សាជាមួយដៃគូរបស់អ្នកអំពីអ្វីដែលអ្នកចង់ ឬមិនចង់បាន។ ការផ្លាស់ប្ដូរបរិយាកាសក៏ជាកត្តាមួយដែលជួឲ្យអ្នកទាំង២មានអារម្មណ៍ប្រសើរជាងមុនដូចគ្នា។ លើសពីនេះទៅទៀតអ្នកអាចសាកល្បងរកអ្វីថ្មីៗ ដើម្បីបង្កើនភាពស្និទស្នាលនិងធ្វើឲ្យជីវិតរបស់អ្នកកាន់តែមានន័យ។

មានវិធីជាច្រើនដែលស្ត្រីអាចរកឃើញដែលអាចជួយទៅលើបញ្ហាចំណង់ទាបបានដូចជាការផ្លាស់ប្ដូររបៀបរស់នៅ ការគ្រប់គ្រងភាពតានតឹង គេងឲ្យបានគ្រប់គ្រា​ន់ និងការគ្រប់គ្រងរបបអាហារប្រចាំថ្ងៃ។ ទោះជាយ៉ាងណាក៏ដោយការពិគ្រោះជាមួយអ្នកជំនាញផ្នែកសុខភាពផ្ទាល់ខ្លួនគឺជារឿងសំខាន់និងចាំបាច់សម្រាប់ខ្លួនយើង។

ការការពារពីការឆ្លងជំងឹកាមរោគផ្សេងៗបានគឺមានច្រើនវិធីមានដូចជា៖ - ​ប្រើប្រាស់ស្រោមអនាម័យរៀងរាល់ពេលរួមភេទ(ប្រសិនបើមានដៃគូច្រើន) -ពិនិត្យនិងតាមដានសុខភាពផ្លូវភេទឲ្យបានទៀតទាត់ប្រសិនបើមានការសង្ស័យ -ដឹងពីប្រវត្តិរបស់ដៃគូ -ចាក់វ៉ាក់ការពារពីជំងឺកាមរោគ

ប្រសិនបើអ្នកមានការឈឺចាប់ក្នុងអំឡុងពេលរួមភេទ អ្នកចាំបាច់ត្រូវទៅជួបពិភាក្សាជាមួយអ្នកជំនាញដើម្បីស្វែងរកមូលហេតុ។ វាអាចបណ្ដាលមកពីមូលហេតុជាច្រើនដូចជាការឆ្លងមេរោគ បម្រែបម្រួលអរម៉ូន ឬកត្តាផ្លូវចិត្ត។ អ្នកអាចជ្រើសរើសការព្យាបាលបានអាស្រ័យទៅតាមស្ថានភាពសុខភាពជាក់ស្ដែង។

គន្លឹះមួយចំនួនដែលអាចជួយបង្កើតភាពស្និទ្ធស្នាលរវាងអ្នកនិងដៃគូ

• ជ្រើសរើសពេលវេលា ទីកន្លែងត្រឹមត្រូវ និងមានផាសុកភាព
• មានភាពស្មោះត្រង់ និយាយការពិត
• ស្តាប់យ៉ាងយកចិត្តទុកដាក់
• គោរពការចង់បានរបស់ដៃគូទៅវិញទៅមក
• ស្វែងរកវិធីថ្មីដើម្បីបង្កើនភាពស្និទ្ធស្នាល
• ស្វែងរកជំនួយពីខាងក្រៅប្រសិនបើចាំបាច់