ថ្នាំការពារកំណើតបន្ទាន់ គឺជាថ្នាំគ្រាប់ ដែលស្ត្រីអាចប្រើបន្ទាប់ពីការរួមភេទដោយមិនបានការពារ ដើម្បីបង្ការការមានផ្ទៃពោះដោយចៃដន្យ ។

កងដាក់ក្នុងស្បូន មានតំលៃថ្លៃជាងមធ្យោបាយពន្យារកំណើតផ្សេងៗទៀត ប៉ុន្តែអាចជួយអ្នកសន្សំសំចៃបាន ដោយកងដាក់ក្នុងស្បូនអាចទុកបានពី៣ទៅ១២ឆ្នាំ ហើយវាជាមធ្យោបាយពន្យារកំណើតដែលមានប្រសិទ្ធិភាពខ្ពស់ ដោយអាចបង្ការការមានផ្ទៃពោះបាន៩៩ភាគរយ។

ការពិនិត្យក្នុងដាក់ក្នុងស្បូនដែលដាក់រួចហើយ អាចធ្វើទៅបានដោយពេទ្យជំនាញ ក្នុងរយៈពេល៤ទៅ៦សប្តាហ៍ ដោយពេទ្យពិនិត្យខ្សែនៃកងនោះ និងអាចណាត់មកពិនិត្យពេលក្រោយទៀត ។

បន្ទាប់ពីដាក់កងក្រោមស្បែក, អ្នកអាចមានផលរំខានដូចជា៖

• ឈឺដៃ
• ស្នាមជាំនៅកន្លែងដាក់បញ្ចូល
• ២​ទៅ៣​ខែដំបូង​
• វិលមុខ
• ចង្អោរ
• ឈឺក្បាលតិចតួច   ដោះឡើងតឹង ប្រែប្រួលទម្ងន់
• វដ្តរដូវមិនទៀង  រដូវមកតិចៗ  មិនមករដូវ​
• រអារម្មណ៍ប្រែប្រួល
• ឈឺពោះ

មធ្យោបាយពន្យារកំណើតមានច្រើនប្រភេទ រួមទាំងមធ្យោបាយវិធីសាស្ត្រដែលមានជាតិអ័រម៉ូនដូចជា ថ្នាំគ្រាប់ពន្យារកំណើត  ថ្នាំចាក់ កងដាក់ក្រោមស្បែក, ប្រើបាំងដូចជាស្រោមអនាម័យនិង មធ្យោបាយពន្យារកំណើតរយៈពេលយូរ កងដាក់ក្នុងស្បូន(IUDs) ពន្យារកំណើតតាមបែបធម្មជាតិ និងវិធីមធ្យោបាយបឈ្ឈប់កំណើតជាអចិន្ត្រៃយ៍ដូចជា។ការចោះចងដៃស្បូនចំពោះស្ត្រី និងចោះចងបំពង់បង្ហូរមេជីវិតឈ្មោលចំពោះបុរស។

តើមធ្យោបាយពន្យារកំណើតមានប្រសិទ្ធិភាពយ៉ាងដូចម្តេច ក្នុងការពារការមានផ្ទៃពោះ? ប្រសិទ្ធភាពនៃមធ្យោបាយរពន្យារកំណើតប្រែប្រួលអាស្រ័យលើមធ្យោបាយដែលបានប្រើ។ មធ្យោបាយមួយចំនួនដូចជាមានជាតិអ័រម៉ូន ឬ កងដាក់ក្នុងស្បូន មានប្រសិទ្ធភាពជាង 99% ខណៈពេលដែលមធ្យោបាយផ្សេងទៀតដូចជាស្រោមអនាម័យមានអត្រាប្រសិទ្ធភាពទាបជាង។ វាមានសារៈសំខាន់ណាស់ក្នុងការប្រើមធ្យោបាយពន្យារកំណើតឱ្យបានជាប់លាប់ ទៀងទាត់ និងត្រឹមត្រូវ ដើម្បីបង្កើនប្រសិទ្ធភាព។

មធ្យោបាយពន្យារកំណើតដោយជាតិអរម៉ូនអាចមានផលរំខានមួយចំនួន ដែលអាចប្រែប្រួលអាស្រ័យលើបុគ្គល និងមធ្យោបាយជាក់លាក់ណាមួយដែលបានប្រើ។ ផល​រំខាន​ជាទូទៅ​អាច​៖ មាន​ការ​ប្រែ​ប្រួលរដូវ, ដោះឡើងតឹង, អារម្មណ៍​ប្រែប្រួល និង​ចង់​ក្អួត។​ គួរពិគ្រោះយោបល់ជាមួយអ្នកផ្តល់សេវាជំនាញថែទាំសុខភាព ដើម្បីពិភាក្សាអំពីផលរំខានដែលអាចកើតមាន និងស្វែងរកជម្រើសដ៏ល្អផេ្សងទៀតសម្រាប់អ្នក។

សឹងតែគ្រប់មធ្យោបាយពន្យារកំណើត ភាគច្រើនមិនអាចការពារការចម្លងមេរោគតាមរយៈការរួមភេទបានទេ។ ស្រោមអនាម័យ គឺជាវិធីសាស្ត្រមួយល្អបំផុត ដែលអាចផ្ដល់ការការពារទប់ស្កាត់ការចម្លងរោគតាមការរួមភេទបានទាំងបុរសនិងស្ត្រី។​ វាត្រូវបានគេណែនាំឱ្យប្រើស្រោមអនាម័យបន្ថែមពីលើមធ្យោបាយផ្សេងទៀត សម្រាប់ការការពារទៅនឹងការចម្លងរោគតាមការរួមភេទ និងការមានកូនដោយចៃដន្យ។​

ការមានកូនអាចត្រលប់មកវិញយ៉ាងឆាប់រហ័ស បន្ទាប់ពីឈប់ប្រើមធ្យោបាយពន្យារកំណើតមួយចំនួន ដូចជាមធ្យោបាយដែលប្រើអ័រម៉ូន។​ ទោះជាយ៉ាងណាក៏ដោយ ពេលវេលានៃការធ្វើឲមានកូនឡើងវិញ មានភាពខុសខុសៗគ្នាពីបុគ្គលមួយទៅបុគ្គលមួយ និងអាស្រ័យលើមធ្យោបាយដែលប្រើ។ គួរពិគ្រោះជាមួយអ្នកជំនាញផ្នែកសុខភាព សម្រាប់ការណែនាំពីពេលវេលា ដែលអ្នកអាចរំពឹងថានឹងមានផ្ទៃពោះឡើងវិញ បន្ទាប់ពីឈប់ប្រើមធ្យោបាយពន្យារកំណើតណាមួយ។

ការជ្រើសរើសមធ្យោបាយពន្យារកំណើតឲបានត្រឹមត្រូវអាស្រ័យលើកត្តាផ្សេងៗ រួមទាំងសុខភាពទូទៅ របៀបរស់នៅ ចំណូលចិត្ត និងផែនការគ្រួសារនាពេលអនាគត។ ចូរពិភាក្សាអំពីជម្រើសរបស់អ្នកជាមួយអ្នកឯកទេសផ្នែកសុខភាពបន្តពូជ វាអាចនឹងជួយអ្នកធ្វើការសម្រេចចិត្ត ដោយផ្អែកលើលក្ខ័ណសមស្របរបស់អ្នក។

ចាស ជាទូទៅអាចប្តូររវាងមធ្យោបាយពន្យារកំណើតផ្សេងៗទៀតបាន។ ទោះជាយ៉ាងណាក៏ដោយ វាជារឿងសំខាន់ក្នុងការប្រឹក្សាជាមួយអ្នកជំនាញថែទាំសុខភាព ដើម្បីធានាបានលើការចង់ផ្លាស់ប្តូរមធ្យោបាយពន្យារកំណើតដោយភាពរលូន និងការការពារដោយគ្មានការរំខាន នឹងការមានផ្ទៃពោះដោយចៃដន្យ។

ប្រសិនបើអ្នកខកខានលេបថ្នាំគ្រាប់ពន្យារកំណើតរបស់អ្នក វាជារឿងសំខាន់ក្នុងការធ្វើតាមការណែនាំជាក់លាក់ ដែលបានផ្តល់ឲជាមួយនឹងកញ្ចប់ថ្នាំរបស់អ្នក។ សូមមើលពត៌មានដែលមានក្នុងកញ្ចប់ថ្នាំ ឬពិគ្រោះជាមួយអ្នកជំនាញថែទាំសុខភាពសម្រាប់ការណែនាំបន្ថែម។

ចាស មានជម្រើស មធ្យោបាយពន្យារកំណើតដែលមិនមែនជាអរម៉ូន ដូចជា ស្រោមអនាម័យ មើលតាមប្រតិទិន ឬកងដាក់ស្បូន។